E mafai e PANDA ona fesoasoani. Vala'au atu oe poo se tasi e te silafia.
Matua fou poo lo'o fuafua se pepe? Popole i tulaga o ou lagona?
Lisi e Siaki mo le Soifua Maloloina i le Mafaufau
Lisi e Siaki mo le Soifua Maloloina i le Mafaufau
O lenei lisi o mea e mana'omia e faia fesili e mafai ona fesoasoani ia te oe ia e malamalama lelei ai i ou lagona, ma pe fa'amata e te penefiti mai lagolago fa'aaopoopo i le soifua lelei o lou mafaufau.
E fa'atatau ia PANDA
PANDA e faatautaia na'o le vaega faapitoa o le Laina Fesoasoani a Ausetalia auā tagata ua a'afia i popolega, fa'anoanoaga ma a'afiaga o le taimi e le'i fanau ai, ma le taimi ua fanau ai, ma i latou o lo'o feagai ma lu'itau i le avea ai ma matua.
Matou te faʻalauiloa tulaga e uiga i lenei maʻi ogaoga, poo ni ma'i masani, ina ia malamalama i latou ua a'afia ma mafai ona saili i fesoasoani.
“A'o ou iai i le ogatotonu o lenei mea na ou lagona ailoga ou te toe fo'i i se lelei. Peita'i na ou mafaia.”
MAUA FAAMATALA UPU
PANDA e i ai latou faamatala upu e lagolagoina i latou e leiloa le Gagana Igilisi pe iai a latou mea fa'alogo pe fesoasoani i le tautala.
“E leai se isi na ta'ua mai e mafai ona tupu e o'o lava i le taimi a o le'i maua la'u pepe!”
O afea e maua ai se fesoasoani
O le maʻitaga poʻo le avea ma se matua fou e mafai uma ona avea o se tulaga fiafia ma e iai fo'i luʻitau. O le iai o fa'afitauli i le fetu'una'iga i suiga o se tulaga masani Peita'i afai e atina'e fa'afitauli i ni tulaga sili atu ona ogaoga, ma silia atu i le lua vaiaso pe ova atu fo'i, ua o'o i le taimi e saili ai se fesoasoani.
O le popole ma le faanoanoa i taimi o ma'itaga ma ina ua fanau e tele ona maua ai tagata
O le tele lava i le tasi o le to'alima o tinā faatalitali poo tinā fou ma o le tasi o le to'asefulu o tamā faatalitali ma tamā fou o le a tupu ai le popole ma le faanoanoa. E mafai ona tupu i le taimi o le ma'itaga (a o le'i fanau) poo le tausaga muamua talu na fanau (postnatal). O le upu 'perinate' (perinatal) e faatatau lea i le taimi o lo'o ma'itaga ai ma le tausaga muamua talu na fanau.
“Ou te popole i la'u paaga peitai e lē talanoa mai ia te a'u.”
Ma'i faa-le-mafaufau ina ua uma ona fanau (Postnatal psychosis)
Ma'i faa-le-mafaufau o se gasegase e seāseā ae iai tulaga ogaoga e aafia ai le tasi i le lua failele o le to'a 1000 ma e mafai ona lamatia ai le tinā ma lana pepe. E ono masani ona manaʻomia ai le taofia i le falemaʻi. O āūga e masani ona faafuasei ma e mafai ona aafia ai suiga vave tele o lagona, suiga matuia o le amio, leai ni faalogona e ono vaaia.
“O a'u o se tinā pito sili ona leaga i le lalolagi.”
E faapefea ona fesoasoani PANDA
Afai o lo'o e afuafua poo oe o se matua fou o lo'o popole i le manuia o ou faalogona ma lou mafaufau - po'o se tasi fo'i e te iloa -e tāua le saili o se lagolago. O le vave ona e saili o se lagolago, o le vave fo'i lea ona amata ona lelei ou faalogona.
O le Laina Fesoasoani a le PANDA mo le Soifua Maloloina o le Mafaufau e ofo atu le faufautua e aunoa ma se totogi ma lagolago mo matua fou uma ma i latou o lo'o faatalitali.
O a matou faufautua e maualuluga, lava latou toleniga ma alolofa i luga o le telefoni o le a faalogo i ou popolega ma fesoasoani ia te oe i la'asaga muamua e fa'afo'isia ai lou malosi.
“Afai ou te ta'ua i se tasi o'u faalogona o le a latou manatu o a'u o se matua leaga”
E sili lava le faatalanoaina
O le popole ma le faanoanoa i taimi o ma'itaga ma ina ua fanau o se tulaga ogaoga i le soifua maloloina. E mafai ona aafia ai so'o se matua fou po'o se o faatali. E leai se mea o le a mā ai fua. E lelei le talanoa ai. O le mea moni, e sili lou faia!
Fa'amatala i isi tagata ou tauiviga, pe o le ta'utino e te mana'omia se fesoasoani e lē'o se fa'ailoga lea o le vaivai. E fa'ailoa mai ai o lo'o e mana'o i le mea sili mo oe ma lou aiga.
“Na ou manatu ou te alofa vave i la'u pepe, ae na faigata ona ou vaai atu ia te ia.”
Fa'ailoga o le popole ma le faanoanoa i taimi o ma'itaga ma ina ua fanau
O fa'ailoga e ono aofia ai le:
- Lagona faanoanoa, maualalo, pe tagi e aunoa ma se mafuaaga
- Lē finaua'ia, popole vale, tele ina mafaufau i le fefe mo le soifua maloloina poo le sologalelei o lau pepe
- Popole tele, 'lē mautonu', pe ua fefe vale
- Maitaita gofie pe faasoesā
- Musu e feiloa'i ma uō ma aiga
- Faigata ona moe, tusa pe o lo'o moe lau pepe
- Fa'afuase'i suiga o lagona
- Lagona lēlavā i taimi uma ma leai se malosi
- Vaaia o āūga e pei o le faafaufau, pua'i, afu malulu, le manogi se 'ai
- Puupuu pe leai se naunau i mea sa masani ona maua ai le olioli
- Fefe e nofo to'atasi pe mafuta fo'i i isi
- Faigata ona mafaufau toto'a, taula'i ma manatunatu
- Fa'ateleina le taumafa 'ava poo le fa'aaoga o fualaau faasāina
- Popole vale fa'afuase'i (tātā vave le fatu, malosi le tātā o le fatu, puni le mānava, keke pe lagona le lē feso'ota'i atu i mea o lata ane)
- Amio lē mautonu ma loto malosi
- Mafaufau i le oti, pule i le ola pe fa'aoo lima i lau pepe.
E tele fo'i nisi āūga e lē'o lisiina iinei. Afai o lo'o e maua, poo se tasi fo'i e te lua valalata o maua i ia auga, poo ni lagona o lo'o faapopoleina ai oe, i le lua vaiaso pe ova atu, faamolemole saili se fesoasoani.
“O matua fou uma ua lagonaina lenei mea leaga?”
Valaau le matou Laina Fesoasoani e aunoa ma se totogi.
Telefoni 1300 726 306
Aso Gafua– Aso Faraile 9am – 7.30pm AEST/AEDT
O loo maua le Laina Fesoasoani a le PANDA i le Atunuu ile tele o gagana, e aofia ai lau gagana.
A e vili le laina fesoasoani a le PANDA, oomi le filifiliga “1” o loo faailoa mai ai ia matou e te mana’omia se tagata faamatala upu.
O le a le mea e tupu pe a taliina lau valaau mai:
O le a taliina lau valaau e se tasi o faufautua e tautala faaigilisi. O le a matou mana’omia ona iloa mo le gagana ua e filifilia – e tau le mana’omia ona e tautala faaigilisi sei vagana ai le ta’u i le faufautua o lau gagana filifilia.
O le a faatulagaina e PANDA se tagata faamatala upu ma pe afai e avanoa se tasi, o le a amata le faagasologa o le matou lagolagoina o oe.
Afai e lē avanoa se tagata faamatala upu, o le a matou toe vili atu oe.
Afai e te mana’o i se fesoasoani vave vili 0 e tolu (000) poo le matagaluega o faalavelave faafuase’i a le falema’i o le lotoifale.
Afai e te mana’omia se lagolago i fafo atu o itulā o le Laina Fesoasoani a le PANDA, vili le Lifeline i le 13 11 14.