Samoan | Gagana Samoa: Fa'amalositino amata –su'esu'e ma fa'amalolo lelei le tino e aveese ai le fufusi o le tino

Fa'amalositino amata

O le a ou ta'ialaina oe i se fa'amalositino pu'upu'u o le tino mo le fa'amaloloina o mea mamafa i le mafaufau, 'oto'oto lea mai i le su'esu'ega ma fa'amalologa lelei gofie o le tino a Paul Gilbert. Ua na o ni nai minute e siaki lelei ai oe. Po'o le a se mea ua aumai ai oe i'inei, afai o iai se mea o fa'alavelave i lou mafaufau, tu'u ese. Na o mo sina taimi. Ua fa'atagaina oe e avea lea taimi e fa'amalolo lelei oe ma malolo i lou tino. E mafai ona e faia lenei fa'amalositino i le nofo ai po'o le taoto i lalo.

Tatou amata. Amata ona matau lau manāva ao e manāva i totonu i lou isu ma manāva i fafo i lou gutu. Taula'i lēmū i le leo mālū o lou man āva.

Fa'asolo lou mafaufau agai i lalo o ou vae. Fa'apefea o latou fa'alogona? Mafaufau i le tafe malie ese atu o le fufusi o i totonu o ou vae i fafo atu ma lou tino i luga o le fola ma tafe ese atu. A'o e manāva i totonu, taumafai e fa'avaivai teisi maso o lou vae. Tatou manāva, ma a'o e manāva i fafo, fa'amalolo maso o ou vae ma tatala. A'o e manāva i totonu, matau le fufusi. A'o e manāva i fafo, fa'asaoloto ma fa'alogo i le malolo o ou vae.

Tatou me'i atu i luga o le tino, i ou tauau. O e fa'amimigiina i latou? Taumafai e u'u i ou tauau, toso i luga a'o e manāva i totonu. A'o e manāva i fafo, fa'alogo i le malolo o maso o ou tauau a'o tuua e le mamafa o le mafaufau lou tino i manāva ta'itasi. A'o e manāva i fafo, tu'u ese uma atu.

I le tumutumu o ou tamatamai lima. Taula'i i le fufusi o iai i'ina ma tu'u e fa'aopeopea atu i fafo o lou tino e ala i ou lima. O ou tapulima, ou lima, tulilima, agai i luga o ou tauau. Ma mulimuli ane aga'i atu i lalo o lou tino i le fola. Manāva i fafo ma tu'u ese atu uma i fafo.

Ona me'i lea o lau taula'i i so'o se fufusi i lou ulu, lou ua ma lou muāulu. Fa'amalolo lelei i latou i manāva ta'itasi. Vaai fa'alemafaufau le fufusi o alu ifo i lou fatafata, lou manava, lou tua, e o'o i lalo o ou vae ma luga o le fola.

Mulimuli ane, taula'i i lou tino atoa. So'o se taimi lava e te manāva ai, mafaufau i le upu 'malolo'. Pe afai foi e le fetaui ma lau fa'alogo, taumafai le upu 'filemu' po'o le 'faafilemu'. Fa'alogo i le tu'ueseina atu e lou tino i manava ta'itasi e te faia. Tatou vaai aga'i i lou tino atoa ma lau upu fa'afilemu mo ni nai manāva.

Fa'amalositino mulimuli. Tatou fa'amae'a lenei fa'amalositino i nai manāva tetele, loloto ma fa'aloloa. Fa'aminoi ou tamatamaivae. Fa'aloloa lemu ou tamatamailima, ou tapulima, lima ma tauau. Maitau fa'alogona o lou tino ua iai nei, fa'atusa i le taimi na tatou amata ai. Fa'ataga oe lava e talisapaia lou tino, e pei lava ona lagona e lou tino le fa'afetai mo le fa'alogo, agalelei ma le tausiga na e fa'atoā tu'uina atu. A e lagona loa ua e sauni e te tu i luga ma gaioi solo, e te ono mana'o e taumafa se vai po'o se meaai māmā. Manatua, e mafai ona e toe fo'i i lau manāva ma su'esu'e lou tino i so'o se taimi o le aso atoa, pe toe fa'atino lenei fa'amalositino. Ia faia pea i taimi e tele e te mana'o ai. Afai e te fia iloa atili fia atili e uiga i fa'amalositino amata ma malologa lelei e mafai ona faia i le fale, e mafai ona e vili le laina fesoasoani a le Panda i le 1300 726 306 e talanoa e uiga i ni filifiliga tausi patino e faigofie ma aogā.

Valaau le matou Laina Fesoasoani e aunoa ma se totogi.

Telefoni 1300 726 306

Aso Gafua– Aso Faraile 9am – 7.30pm AEST/AEDT

O loo maua le Laina Fesoasoani a le PANDA i le Atunuu ile tele o gagana, e aofia ai lau gagana.

A e vili le laina fesoasoani a le PANDA, oomi le filifiliga “1” o loo faailoa mai ai ia matou e te mana’omia se tagata faamatala upu.

O le a taofi oe i luga o le laina seiloga ua avanoa se tasi o matou Faufautua PE e te faalogoina se feau na pu’e o loo talosagaina ai oe e tuu se feau.

O le a le mea e tupu pe a taliina lau valaau mai:

O le a taliina lau valaau e se tasi o faufautua e tautala faaigilisi. O le a matou mana’omia ona iloa mo le gagana ua e filifilia – e tau le mana’omia ona e tautala faaigilisi sei vagana ai le ta’u i le faufautua o lau gagana filifilia.

O le a faatulagaina e PANDA se tagata faamatala upu ma pe afai e avanoa se tasi, o le a amata le faagasologa o le matou lagolagoina o oe.

Afai e lē avanoa se tagata faamatala upu, o le a matou toe vili atu oe.

Faapefea ona tuu se feau:

Tuu se feau ona o le a taofi ai lou avanoa i le faasologa. E lē mana’omia lou toe vili mai, o le a valaau atu se tasi o matou faufautua ia te oe.

Faamolemole tuu lou igoa, numera telefoni, setete ma le gagana. O le a matou toe vili atu ma se tagata faamatala upu.

Afai e te mana’o i se fesoasoani

vave vili 0 e tolu (000) poo le matagaluega o faalavelave faafuase’i a le falema’i o le lotoifale.

Afai e te mana’omia se lagolago i fafo atu o itulā o le Laina Fesoasoani a le PANDA, vili le Lifeline i le 13 11 14.