PANDA မၤစၢၤတၢ်သ့လီၤ. ကိးဘၣ်လီတဲစိလၢနကစၢ်အဂီၢ်မ့တမ့ၢ်လၢပှၤတဂၤလၢနသ့ၣ်ညါအီၤအဂီၢ်တက့ၢ်.
မိၢ်ပၢ်အသီမ့တမ့ၢ်အိၣ်ခိးကွၢ်လၢ်လၢကဒိးန့ၢ်ဘၣ်ဖိဆံးတဂၤဧါ. ဘၣ်ယိၣ်တၢ်ဘၣ်ဃးကျိၤကွာ်လၢနတူၢ် ဘၣ်တဖၣ်န့ၣ်ဧါ.
နီၢ်သးအတၢ်အိၣ်ဆူၣ်အိၣ်ချ့အတၢ်မၤနီၣ်အစရီ
နီၢ်သးအတၢ်အိၣ်ဆူၣ်အိၣ်ချ့အတၢ်မၤနီၣ်အစရီ
တၢ်မၤနီၣ်အစရီတခါအံၤသံကွၢ်နၤဒီးတၢ်သံကွၢ်တဖၣ်လၢအမၤစၢၤနၤ သ့လၢတၢ်ကနၢ်ပၢၢ်မ့ၢ်နတူၢ်ဘၣ်ဒ်လဲၣ်ကဂ့ၤဒိၣ်ထီၣ်အဂီၢ်,ဒီးမ့ၢ်နကန့ၢ် ဘျုးန့ၢ်ဖှိၣ်လၢတၢ်ဆီၣ်ထွဲဆူညါဃုာ်ဒီးနသးတၢ်အိၣ်မုာ်ဆိးပၢၤအဂီၢ်ဧါ တန့ၢ်ဘျုးန့ၢ်ဖှိၣ်ဘၣ်လဲၣ်အဂ့ၢ်လီၤ.
တၢ်လၢအဘၣ်ဃးဒီး PANDA
PANDA လဲၤတရံးမၤတၢ်ဒ် အီးစတြ့လယါစဲၣ်နီၤထံကီၢ်တၢ်မၤစၢၤ အလီကျိၤ ထဲ တခါဧိၤလၢအမၤန့ၢ်တၢ်လၢ ပှၤလၢ အဘၣ်ဒိဘၣ်ထံးဒီးတၢ်အိၣ်ဖျဲၣ်အကတီၢ်တၢ်သူၣ်ကိၢ်သးဂီၤ,တၢ်သးသဟီၣ်လီၤဒီးသးဂ့ၢ်၀ီအတၢ်တဘၣ်လီၢ်ဘၣ်စးဖဲအိၣ်ဖျဲၣ်ဖိ၀ံၤအလီၢ်ခံဒီးလၢပှၤလၢအလဲၤခီဖျိဘၣ်တၢ်တၤတၢ်လၢအတၢ်ကဲထီၣ်မိၢ်ပၢ်အဃိန့ၣ်လီၤ.
ပထုးထီၣ်ဒုးသ့ၣ်ညါကမျၢၢ်တဖၣ်ဒီးတၢ်ဆူးတၢ်ဆါလၢအဒိၣ်အမုၢ်ဒီးအကဲထီၣ်သးညီနုၢ်တခါအံၤမ့ၢ်ဒ်သိးပှၤလၢအဘၣ် ဒိဘၣ်ထံး၀ဲဒၣ်ဒီးတၢ်တမုာ်တလၤသ့ၣ်တဖၣ်အံၤကနၢ်ပၢၢ်တၢ်မနုၤကဲထီၣ်အသးဒီးအ၀ဲသ့ၣ်လဲၣ်ဒီးဒ်သိးအကမၤန့ၢ်တၢ်မၤစၢၤကသ့အဂီၢ်န့ၣ်လီၤ.
ပထုးထီၣ်ဒုးသ့ၣ်ညါကမျၢၢ်တဖၣ်ဒီးတၢ်ဆူးတၢ်ဆါလၢအဒိၣ်အမုၢ်ဒီးအကဲထီၣ်သးညီနုၢ်တခါအံၤမ့ၢ်ဒ်သိးပှၤလၢအဘၣ် ဒိဘၣ်ထံး၀ဲဒၣ်ဒီးတၢ်တမုာ်တလၤသ့ၣ်တဖၣ်အံၤကနၢ်ပၢၢ်တၢ်မနုၤကဲထီၣ်အသးဒီးအ၀ဲသ့ၣ်လဲၣ်ဒီးဒ်သိးအကမၤန့ၢ်တၢ်မၤစၢၤကသ့အဂီၢ်န့ၣ်လီၤ.
“ဖဲယအိၣ်လၢတၢ်အိၣ်သးတခါအံၤအကျါအခါယတူၢ်ဘၣ်လၢယတၢ်အိၣ်သးတဂ့ၤထီၣ်နီတဘျီဘၣ်. ဘၣ်ဆၣ်ယတၢ်အိၣ်သးဂ့ၤထီၣ်လီၤ.”
ပှၤကတိၤကျိးထံတၢ်တဖၣ်အိၣ်၀ဲဒၣ်လီၤ
PANDA အိၣ်ဒီးတၢ်ခွဲးတၢ်ယာ်လၢတၢ်ကသူ၀ဲဒၣ် ပှၤကတိၤကျိးထံတၢ်ဒ်သိးကတိစၢၤမၤစၢၤ ၀ဲပှၤလၢအနၢ်တအၢဒီးပှၤအုးအးကတာ်ပျ့ၤသ့ၣ် တဖၣ်န့ၣ်လီၤ.
“မတၤတဂၤမးတတဲဘၣ်ယၤလၢတၢ်အံၤကဲထီၣ်အသးသ့၀ဲဒၣ်တချုး ဖိသၣ် အိၣ်ဖျဲၣ်အခါဒၣ်လဲာ်န့ၣ်လီၤ.”
ကမၤန့ၢ်တၢ်မၤစၢၤလၢအခါဖဲလဲၣ်
တၢ်ဒၢထီၣ်မ့တမ့ၢ်တၢ်ကဲထီၣ်သီမိၢ်ပၢ်ကဲတၢ်လၢအမၤသူၣ်ပိၢ်သး၀းတၢ်ဒီးတၢ်လၢ အတၤတၢ်ခံမံၤလၢာ်သ့လီၤ. တၢ်အိၣ်ဒီးတၢ်ကီတၢ်ခဲလၢတၢ်ကမၤဘၣ်လိာ်ဖိးဒ့သးဒီးတၢ်ဆီတလဲတဖၣ်န့ၣ်မ့ၢ်တၢ်လၢအညီနုၢ်မၤအသးန့ၣ်လီၤ. သနာ်က့,ဖဲသးအတၢ်ပလၢၤဘၣ်အထီၣ် အလီၤအံၤဒိၣ်ထီၣ်အါထီၣ်နးနးကလဲာ်ဒီးမ့ၢ်ယံာ်အါန့ၢ်ခံနွံမ့တမ့ၢ်အါန့ၢ်အန့ၣ်အခါ,တၢ်အံၤမ့ၢ်တၢ်ဆၢကတီၢ်လၢတၢ်ကမၤန့ၢ်တၢ်မၤစၢၤန့ၣ်လီၤ.
တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်တၢ်သူၣ်ကိၢ်သးဂီၤဒီးတၢ်သးသဟီၣ်လီၤန့ၣ်မ့ၢ် တၢ်လၢအညီနုၢ်မၤအသးလီၤ
မိၢ်ယဲၢ်ဂၤအကျါတဂၤလၢအဖိကအိၣ်ဖျဲၣ်မ့တမ့ၢ်ကဲထီၣ်သီမိၢ်ဒီးပၢ်အဂၤတဆံအကျါတဂၤလၢအကထံၣ်ဘၣ်အဖိမ့တမ့ၢ်ကဲထီၣ်သီပၢ်တဂၤကလဲၤခီဖျိဘၣ်တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်တၢ်သူၣ်ကိၢ်သးဂီၤမ့တမ့ၢ်တၢ်သးသဟီၣ်လီၤန့ၣ်လီၤ. တၢ်အံၤကဲထီၣ်၀ဲဒၣ်ဖဲတၢ်ဒၢထီၣ်အကတီၢ်(အိၣ်ထီၣ်ဒီးဟုးသးအဘၢၣ်အတီၤ)မ့တမ့ၢ်အခီၣ်ထံးတနံၣ်ဖဲအိၣ်ဖျဲၣ်အလီၢ်ခံ(ဆံးစၢ်လီၤဖိ၀ံၤအလီၢ်ခံ)န့ၣ်လီၤ. “တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်”တၢ်ကတိၤအဖျၢၣ်အံၤအခီပညီမ့ၢ်တၢ်ဒၢထီၣ်ဒီးအိၣ်ဖျဲၣ်၀ံၤအခီၣ်ထံးတနံၣ်န့ၣ်လီၤ.
တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်တၢ်သူၣ်ကိၢ်သးဂီၤဒီးတၢ်သးသဟီၣ်လီၤန့ၣ်မ့ၢ် တၢ်လၢအညီနုၢ်မၤအသးလီၤ
မိၢ်ယဲၢ်ဂၤအကျါတဂၤလၢအဖိကအိၣ်ဖျဲၣ်မ့တမ့ၢ်ကဲထီၣ်သီမိၢ်ဒီးပၢ်အဂၤတဆံအကျါတဂၤလၢအကထံၣ်ဘၣ်အဖိမ့တမ့ၢ်ကဲထီၣ်သီပၢ်တဂၤကလဲၤခီဖျိဘၣ်တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်တၢ်သူၣ်ကိၢ်သးဂီၤမ့တမ့ၢ်တၢ်သးသဟီၣ်လီၤန့ၣ်လီၤ. တၢ်အံၤကဲထီၣ်၀ဲဒၣ်ဖဲတၢ်ဒၢထီၣ်အကတီၢ်(အိၣ်ထီၣ်ဒီးဟုးသးအဘၢၣ်အတီၤ)မ့တမ့ၢ်အခီၣ်ထံးတနံၣ်ဖဲအိၣ်ဖျဲၣ်အလီၢ်ခံ(ဆံးစၢ်လီၤဖိ၀ံၤအလီၢ်ခံ)န့ၣ်လီၤ. “တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်”တၢ်ကတိၤအဖျၢၣ်အံၤအခီပညီမ့ၢ်တၢ်ဒၢထီၣ်ဒီးအိၣ်ဖျဲၣ်၀ံၤအခီၣ်ထံးတနံၣ်န့ၣ်လီၤ.
“ယဘၣ်ယိၣ်တၢ်လၢယမါအဂီၢ်သနာ်က့အ၀ဲတကတိၤတၢ်ဒီးယၤဘၣ်.”
တၢ်အိၣ်ဖျဲၣ်ဖိအလီၢ်ခံသးတၢ်တူၢ်ဘၣ် အတၢ်တဘၣ်လီၢ်ဘၣ်စး
တၢ်အိၣ်ဖျဲၣ်ဖိ၀ံၤအလီၢ်ခံသးအတၢ်တဘၣ်လီၢ်ဘၣ်စးန့ၣ်တညီနုၢ်ကဲထီၣ်ဘၣ်သနာ်က့မ့ၢ်တၢ်ဆိးက့ဆါဘီအဒိၣ်အမုၢ်လၢအမၤဘၣ်ဒိပိာ်မုၣ်လၢအကဲထီၣ်သီမိၢ်တဂၤဆူခံဂၤလၢမိၢ်အဂၤ ၁၀၀၀ အကျါဒီးတၢ်အံၤကဲတၢ်လီၤပျံၤလၢမိၢ်ဒီး ဖိဆံးခံဂၤလၢာ်အဂီၢ်သ့လီၤ. တၢ်အံၤအါဒၣ်တၢ်တက့ၢ်ထီဘိန့ၣ်လိၣ်ဘၣ်တၢ်ကဘၣ်ထီၣ်တၢ်ဆါဟံၣ်န့ၣ်လီၤ. တၢ်အပနီၣ်တဖၣ်ညီနုၢ်ဟဲပၢၢ်ထီၣ်သတူၢ်ကလာ်ဒီးပာ်ဃုာ်သးတၢ်တူၢ်ဘၣ်လၢ အထီၣ်အလီၤဒိၣ်ဒိၣ်ကလဲာ်.
“ယမ့ၢ်၀ဲဒၣ်မိၢ်လၢအတဂ့ၤဒိၣ်မးတဂၤလီၤ.”
PANDA မၤစၢၤကသ့လၢကျဲဒ်လဲၣ်
ဖဲနမ့ၢ်ကွၢ်လၢ်လၢကဒိးန့ၢ်ဘၣ်နဖိမ့တမ့ၢ် ကဲထီၣ်သီမိၢ်ပၢ်တဂၤဒီးဘၣ်ယိၣ်ဘၣ်ဘီ တၢ်ဘၣ်ဃးနသးအတၢ်ပလၢၢ်ဘၣ်ဒီးနီၢ်သးအတၢ်မုာ်တၢ်ပၢၤ-မ့တမ့ၢ်ဘၣ်ထွဲဒီးပှၤတဂၤလၢ နသ့ၣ်ညါအီၤန့ၣ်-အကါဒိၣ်၀ဲဒၣ်လၢတၢ်ကဃုမၤ န့ၢ်တၢ်မၤစၢၤလီၤ. နဃုမၤန့ၢ်တၢ်မၤစၢၤဒံးဆိ,ကဆိ၀ဲဒၣ်လၢနကတူၢ်ဘၣ်မုာ်ဒိၣ်ထီၣ်န့ၣ်လီၤ.
PANDA ထံကီၢ်တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်နီၢ်သးတၢ်အိၣ်ဆူၣ်အိၣ်ချ့အလီကျိၤဟ့ၣ်၀ဲဒၣ်တၢ်တၢၣ်ပီၣ်ဟ့ၣ်ကူၣ်ဟ့ၣ်ဖး ဒီးတၢ်ဆီၣ်ထွဲဆူပှၤလၢအကဲထီၣ်သီမိၢ်ပၢ်ဒီးဆူပှၤအကကဲထီၣ်မိၢ်ပၢ်တဖၣ်အအိၣ် န့ၣ်လီၤ.
ပှၤတၢၣ်ပီၣ်ဟ့ၣ်ကူၣ်ဟ့ၣ်ဖးတၢ်လၢလီတဲစိအပူၤလၢအန့ၢ်ဘၣ်တၢ်သိၣ်လိအါအါဒီးအိၣ်ဒီးသးလၢအကဟုကယာ်တၢ်တဖၣ်ကကနၣ်၀ဲဒၣ်တၢ်ဘၣ်ယိၣ်တဖၣ် ဒီးကမၤခီၣ်ခါအခီၣ်ထံးတဖၣ်လၢတၢ်ကဘျါက့ၤအဂီၢ်လီၤ.
“ဖဲယမ့ၢ်တဲဘၣ်ပှၤတဂၤဂၤဒီးယတၢ်တူၢ်ဘၣ်န့ၣ်အ၀ဲသ့ၣ်ကဆိကမိၣ်၀ဲဒၣ်လၢယမ့ၢ်မိၢ်ပၢ်လၢအတဂ့ၤတဂၤလီၤ.”
အဂ့ၤကတၢၢ်န့ၣ်တၢ်ကတဲသကိးအဂ့ၢ်န့ၣ်လီၤ
တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်တၢ်သူၣ်ကိၢ်သးဂီၤဒီးတၢ်သးသဟီၣ်လီၤမ့ၢ်တၢ်အိၣ်ဆူၣ်အိၣ်ချ့အတၢ် အိၣ်သးလၢအဒိၣ်အမုၢ်တခါလီၤ. တၢ်အံၤမၤဘၣ်ဒိမိၢ်ပၢ်အသီမ့တမ့ၢ်မိၢ်ပၢ်လၢအကွၢ်လၢ်အဖိအခိၣ်တဂၤလၢ်လၢ်သ့န့ၣ်လီၤ. တလိၣ်မဲာ်ဆှးနီတမံၤဘၣ်. တၢ်အံၤဘၣ်၀ဲဒၣ်လၢတၢ်ကတဲသကိးတၢ်န့ၣ်လီၤ. အနီၢ်ကီၢ်န့ၣ်, ဂ့ၤဒၣ်တၢ်တက့ၢ်လၢနကဘၣ်မၤအီၤန့ၣ်လီၤ.
တဲဘၣ်ပှၤအဂၤတဖၣ်ဘၣ်ဃးနတၢ်ဂဲၤလိာ်လဲၤခီဖျိတဖၣ်မ့တမ့ၢ်တူၢ်လိာ်နဲဒၣ်လၢနတၢ်လိၣ်ဘၣ်တၢ်မၤစၢၤန့ၣ်တမ့ၢ်တၢ်ဂံၢ်စၢ်အပနီၣ်ဘၣ်. တၢ်အံၤဒုးနဲၣ်၀ဲဒၣ်လၢနအဲၣ်ဒိးတၢ်အဂ့ၤကတၢၢ်လၢနကစၢ်အဂီၢ်ဒီးနဟံၣ်ဖိဃီဖိအဂီၢ်န့ၣ်လီၤ.
တဲဘၣ်ပှၤအဂၤတဖၣ်ဘၣ်ဃးနတၢ်ဂဲၤလိာ်လဲၤခီဖျိတဖၣ်မ့တမ့ၢ်တူၢ်လိာ်နဲဒၣ်လၢနတၢ်လိၣ်ဘၣ်တၢ်မၤစၢၤန့ၣ်တမ့ၢ်တၢ်ဂံၢ်စၢ်အပနီၣ်ဘၣ်. တၢ်အံၤဒုးနဲၣ်၀ဲဒၣ်လၢနအဲၣ်ဒိးတၢ်အဂ့ၤကတၢၢ်လၢနကစၢ်အဂီၢ်ဒီးနဟံၣ်ဖိဃီဖိအဂီၢ်န့ၣ်လီၤ.
“ယဆိကမိၣ်လၢယကအဲၣ်ဘၣ်ယဖိတဘျီဃီလီၤ, ဘၣ်ဆၣ်ယကကွၢ်ဃီၤတၢ်ဆူအအိၣ်အဂီၢ်န့ၣ်ယတူၢ်ဘၣ်လၢကီဘၣ်ယၤနးမးလီၤ.”
တၢ်အိၣ်ဖျဲၣ်ဖိအဘၢၣ်အတီၤအတၢ်သူၣ် ကိၢ်သးဂီၤဒီးတၢ်သးသဟီၣ်လီၤအတၢ်ပနီၣ်တဖၣ်
တၢ်အပနီၣ်တဖၣ်ဘၣ်တဘၣ်ကပာ်ဃုာ်-
- တူၢ်ဘၣ်တၢ်သးအုး,သးဂံၢ်ဘါစၢ်မ့တမ့ၢ်ဟီၣ်ဘၣ်အသးလၢတၢ်ဂ့ၢ်တအိၣ်လီၤတံၢ်
- လဲၤအသးတပယူာ်ဃီ,တၢ်ဘၣ်ယိၣ်အါမံၤ,ညီနုၢ်ဘၣ်ထွဲဒီးတၢ်ပျံၤလၢအမ့ၢ်နဖိဆံးအတၢ်အိၣ်ဆူၣ်အိၣ်ချ့မ့တမ့ၢ်တၢ်အိၣ်မုာ်ဆိးပၢၤ
- သးဒ့ဒီ,တၢ်တူၢ်ဘၣ်လၢအိၣ်လၢတၢ်အထိးနါမ့တမ့ၢ်ပျံၤဖုးတၢ်ထီဘိ
- သးဘၣ်တံာ်တာ်ညီညီဖိမ့တမ့ၢ်အသးအ့န့ချ့သဒံး
- ထုးယံၤအသးဒီးတံၤသကိးတဖၣ်ဒီးဟံၣ်ဖိဃီဖိတဖၣ်
- တၢ်မံအတၢ်ကီတၢ်ခဲ,ဖဲနဖိဆံးမ့ၢ်မံဘၣ်အသးအခါဒၣ်လဲာ်န့ၣ်လီၤ
- သးတၢ်ကလၢၤဘၣ်ထီၣ်လီၤသတူၢ်ကလာ်
- တူၢ်ဘၣ်တၢ်လီၤဘှံးလီၤဘှါထီဘိဒီးဂံၢ်စၢ်
- နီၢ်ခိအတၢ်ပနီၣ်ဒ်သိးဒီးတၢ်သးကလဲာ်,တၢ်ဘှီး,ကပၢၤခုၣ်ထီၣ်,တအဲၣ်ဒိးအီၣ်တၢ်ဘၣ်
- အိၣ်ဒီးတၢ်သးစဲဆံးစှၤ,မ့တမ့ၢ်တၢ်သးစဲတအိၣ်နီတစဲးလၢတၢ်လၢနညီနုၢ်မၤအီၤဒီးမုာ်ဘၣ်နၤတဖၣ်
- ပျံၤတၢ်လၢကအိၣ်ဘၣ်ထဲတဂၤမ့တမ့ၢ်ကအိၣ်ဘၣ်ဒီးပှၤအဂၤတဖၣ်
- ကီခဲ၀ဲဒၣ်လၢအကပညိၣ်လီၤအသး,စၢၢ်ဆၢလီၤအသးမ့တမ့ၢ်ကသ့ၣ်နီၣ်တၢ်
- သူအါထီၣ်သံးဂာ်မ့တမ့ၢ်တၢ်သူကသံၣ်ကသီ
- တၢ်ပျံၤဖုးတၢ်ကထီၣ်သတူၢ်ကလာ်(သးစံၣ်ဖုချ့ထီၣ်,သးစံၣ်ခုတဘၣ်ဂီၢ်ကိးထံၣ်,ကသါတဘျဲ,ကနိးကစုာ်မ့တမ့ၢ်တူၢ်ဘၣ်လၢအနီၢ်ခိန့ၣ်
တစဲဘူးလၢၤအသးဒီးတၢ်အိၣ်၀းတရံးအီၤတဖၣ် - အိၣ်ထီၣ်ဒီးသကဲာ်ပ၀းတဖၣ်လၢအသးစဲဘူးထီဃာ်အသးဒီးတၢ်တမံၤမံၤမ့တမ့ၢ်တၢ်လၢမ့ၢ်တမၤဘၣ်အိၣ်တသ့
- ဆိကမိၣ်ထီၣ်တၢ်သံ,တၢ်မၤသံလီၤသးမ့တမ့ၢ်မၤဘၣ်ဒိဘၣ်ထံးနဖိဆံးန့ၣ်လီၤ.
တၢ်အပနီၣ်လၢအဂၤအိၣ်ဒံး၀ဲဒၣ်အါမံၤလၢတၢ်တရဲၣ်လီၤပာ်အီၤဖဲအံၤဘၣ်န့ၣ်လီၤ. ဖဲနၤမ့တမ့ၢ်ပှၤတဂၤလၢအဘူးဒီးနၤမ့ၢ်လဲၤခီဖျိဘၣ်တၢ်အပနီၣ်တမံၤလၢ်လၢ်မ့တမ့ၢ်အိၣ်ဒီးတၢ်တူၢ်ဘၣ်တဖၣ်လၢအမၤ ကိၢ်မၤဂီၤနၤလၢတၢ်ဆၢကတီၢ်ခံနွံမ့ တမ့ၢ်အါန့ၢ်အန့ၣ်အခါ,၀ံသးစူၤမၤန့ၢ်တၢ် ဆီၣ်ထွဲတက့ၢ်.
“မ့ၢ်ပှၤကဲထီၣ်သီမိၢ်ပၢ်ခဲလၢာ်တဖၣ်တူၢ်ဘၣ်တၢ်တမုာ်တလၤတခါအံၤဧါ.”
ကိးဘၣ်ပထံကီၢ်တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်နီၢ်သးအတၢ်အိၣ်ဆူၣ်အိၣ်ချ့တၢ်မၤစၢၤ
ကိးဘၣ် 1300 726 306
မုၢ်ဆၣ် – မုၢ်ဖီဖး ဂီၤ 9 နၣ်ရံၣ်– ဟါ 7.30 နၣ်ရံၣ် AEST/AEDT
PANDA ထံကီၢ်တၢ်မၤစၢၤအလီကျိၤန့ၣ်အိၣ်၀ဲဒၣ် လၢကျိာ်တဘျုးကျိာ်,လၢအပၣ်ဃုာ်နကျိာ်န့ၣ်လီၤ.
ဖဲနကိး၀ဲဒၣ် PANDA တၢ်မၤစၢၤအလီကျိၤအခါ, ဆီၣ်လီၤတၢ်ဃုထၢ“1”လၢကဒုးသ့ၣ်ညါပှၤလၢ နလိၣ်ဘၣ်ပှၤကတိၤကျိးထံတၢ်တဂၤန့ၣ်တက့ၢ်.
ဖဲနတၢ်ကိးအံၤတၢ်စံးဆၢအီၤအခါတၢ်မနုၤကကဲ ထီၣ်ဒ်လဲၣ်-
နတၢ်ကိးအံၤပှၤတၢၣ်ပီၣ် မၤစၢၤတၢ်လၢအကတိၤအဲး ကလံးအကျိာ် တဂၤကစံးဆၢအီၤန့ၣ်လီၤ. ပကလိၣ်သ့ၣ်ညါကျိာ်လၢနဘၣ်သး-နတလိၣ် ကတိၤအဲးကလံးအကျိာ်ဘၣ်သနာ်က့နကလိၣ်တဲ ဘၣ်ပှၤတၢၣ်ပီၣ်မၤစၢၤတၢ်ဒီးကျိာ်လၢနဘၣ်သးအီၤ န့ၣ်လီၤ.
PANDA ကရဲၣ်ကျဲၤန့ၢ်ပှၤကတိၤကျိးထံတၢ်တ ဂၤဒီးဖဲပှၤကတိၤကျိးထံတၢ်တဂၤမ့ၢ်အိၣ်၀ဲအခါ, ပကစး ထီၣ်တၢ်ရဲၣ်တၢ်ကျဲၤလၢတၢ်ဆီၣ်ထွဲနၤအဂီၢ်လီၤ.
ဖဲပှၤကတိၤကျိးထံတၢ်တဂၤမ့ၢ်တအိၣ်ဘၣ်အခါ, ပကကိးကဒါက့ၤနၤလီၤ.
ဖဲနမ့ၢ်လိၣ်ဘၣ်ဂ့ၢ်ဂီၢ်အူတၢ်မၤစၢၤအဂီၢ်ကိးဘၣ်၀း
သၢဖျၢၣ် (000) မ့တမ့ၢ်လီၢ်က၀ီၤတၢ်ဆါဟံၣ် ဂ့ၢ်ဂီၢ်အူအ၀ဲၤကျိၤ တက့ၢ်.
ဖဲနမ့ၢ်လိၣ်ဘၣ်တၢ်ဆီၣ်ထွဲလၢအအိၣ်လၢ PANDAတၢ်မၤစၢၤအလီကျိၤဖဲတၢ်မၤပျၢ်အနၣ်ရံၣ်အလီၢ်ခံကတီၢ်န့ၣ်
ကိးဘၣ် Lifeline လၢ 13 11 14 တက့ၢ်.