Karen S'gaw | ကညီကျိာ်: တၢ်မၤနီၢ်ခိတၢ်ဟူးတၢ်ဂဲၤလၢအဘၣ်ထွဲဒီးတၢ်အိၣ်မူတၢ်လဲၤခီဖျိနီၢ်နီၢ်-တၢ်ကၠီးလိအသးတမံၤဘၣ်ထွဲဒီးသးအတၢ်အိၣ်ဘှံးအိၣ်သါလၢကမၤကဆှၣ်လီၤတၢ်ကိၢ်တၢ်ဂီၤအဂီၢ်
တၢ်မၤနီၢ်ခိတၢ်ဟူးတၢ်ဂဲၤလၢအဘၣ်ထွဲဒီးတၢ်အိၣ်မူအတၢ်လဲၤခီဖျိနီၢ်နီၢ်အံၤတၢ်ဒုးကဲထီၣ်အီၤလၢကမၤစၢၤနပညိၣ်လီၤလၢနတၢ်ကသါအလိၤန့ၣ်လီၤ.
ဖဲနမၤကဘှၢလီၤနတၢ်ကသါအခါ, နမၤကဘှၢလီၤနသးအတၢ်ဆိကမိၣ်လၢအဃ့ၢ်သဘျိၣ်အသးတခါသ့လီၤ. အမၤစၢၤ၀ဲဒ်သိးကမၤစှၤလီၤတၢ်ကိၢ်တၢ်ဂီၤသ့လီၤ.
က့ၤမၤကဒါက့ၤနီၢ်ခိတၢ်ဟူးတၢ်ဂဲၤတခါအံၤတဘျီလၢ်လၢ်ဖဲနလိၣ်န့ၣ်တက့ၢ်.
နမ့ၢ်အဲၣ်ဒိးဖးတၢ်မၤနီၢ်ခိတၢ်ဟူးတၢ်ဂဲၤအံၤအါန့ၣ်ဒံးဒိကနၣ်အီၤန့ၣ်, နကထံၣ်ဘၣ်လံၥ်ကွဲးဖဲအဖီလၥ်အံၤလီၤ.
Jump to
တၢ်မၤနီၢ်ခိတၢ်ဟူးတၢ်ဂဲၤလၢအဘၣ်ထွဲဒီးတၢ်အိၣ်မူတၢ်လဲၤခီဖျိနီၢ်နီၢ်
ယကမၤဂုၤနၤနီၢ်ခိအတၢ်ဟူးတၢ်ဂဲၤဖုၣ်ဖုၣ်ဖိတခါတၢ်ကထိၣ်ကဆှၣ်လီၤသးတၢ်ဆီၣ်သနံး, လၢတၢ်မၤလိန့ၢ်အီၤလၢ Paul Gilbert တၢ်ကွၢ်လီၤသးဒီတဂၤဒီးတၢ်အိၣ်ဘှံးအိၣ်သါန့ၣ်လီၤ. မ့ၢ်ဒၣ်ထဲစှၤမံးနံးလၢကမၤကွၢ်လီၤနကစၢ်အသးအဂီၢ်လီၤ. တၢ်လၢအဆှၢဃီၤနၤဖဲအံၤတမံၤလၢ်လၢ်, မ့ၢ်တၢ်အိၣ်၀ဲတမံၤမံၤလၢအမၤတံၥ်တၥ်နသးမ့ၢ်အိၣ်န့ၣ်, ပၥ်ဃၥ်အီၤလၢတၢ်ကပၤတက့ၢ်. ထဲဒၣ်တစိၢ်ဖိလီၤ. တၢ်ပျဲလၢနကဟံးန့ၢ်တၢ်ဆၢကတီၢ်တခါအံၤလၢတၢ်ကပာ်ဂၢၢ်နသးဒီးဒုးအိၣ်ဘှံးနနီၢ်ခိန့ၣ်လီၤ. နမၤတၢ်ဟူးတၢ်ဂဲၤအံၤလၢကဆ့ၣ်နီၤမ့တမ့ၢ်မံနီၤသ့န့ၣ်လီၤ.
ပကစးထီၣ်မၤသကိး. စးထီၣ်ထံၣ်လီၤနတၢ်ကသါဖဲနကသါနုၥ်ခီဖျိနနါဒ့ဒီးကသါထီၣ်အီၤခီဖျိနကိၥ်ပူၤတက့ၢ်. ပညိၣ်ဘၣ်န့ဆၢၣ်အတၢ်ကလုၢ်သီၣ်လၢနတၢ်ကသါအပူၤကဖီလီတက့ၢ်.
အခဲအံၤတိၥ်သူၣ်ပၥ်သးလီၤဆူနခီၣ်တဖၣ်တက့ၢ်. အ၀ဲသ့ၣ်တူၢ်ဘၣ်ဒ်လဲၣ် ဆိကမိၣ်ကမှံထီၣ်ဘၣ်တၢ်တၢ်ကိၢ်တၢ်ဂီၤလၢနခီၣ်အလိၤခဲလၢၥ်ယွၤလီၤခီဖျိကွံာ်နနီၢ်ခိကယီကယီဆူတၢ်ဒါခိၣ်အလိၤဒီးယွၤကွံၥ်၀ဲဒၣ်န့ၣ်တက့ၢ်. ဖဲနကသါနုၥ်အခါ, မၤကဆှၣ်လီၤနခီၣ်အထူၣ်အပျၢ်တဖၣ်ထဲတစဲးဖိတက့ၢ်. ပကကသါနုၥ်သကိး, ဒီးဖဲနကသါထီၣ်အခါ, မၤကဆှၣ်လီၤနခီၣ်အထူၣ်အပျၢ်တဖၣ်ဒီးပျၢ်လီၤအီၤတက့ၢ်, ဖဲနကသါနုၥ်အခါ, ကွၢ်ဘၣ်တၢ်ကိၢ်တၢ်ဂီၤတက့ၢ်. ဖဲနကသါထီၣ်အခါ, ပျၢ်လီၤကွံၥ်အီၤဒီးပလၢၢ်ဘၣ်နခီၣ်လၢအကဆှၣ်လီၤတဖၣ်တက့ၢ်.
ပကသုးထီၣ်ပမိၢ်ပှၢ်, ဆူနဖံဘၣ်ခိၣ်န့ၣ်လီၤ. မ့ၢ်နဘံးတံၢ်အ၀ဲသ့ၣ်ဆူတၢ်ဖီခိၣ်န့ၣ်ဧါ. စှီၤတံၢ်နဖံဘၣ်ခိၣ်, သုးထီၣ်အီၤလၢတၢ်ဖီခိၣ်ဖဲနကသါနုၥ်လီၤအခါတက့ၢ်. ဖဲနကသါနုၥ်အခါ,ပလၢၢ်ဘၣ်နဖံဘၣ်ခိၣ်အထူၣ်အပျၢ်တဖၣ်လၢကလီၤကဆှၣ်အဂီၢ်ဒ်တၢ်ကိၢ်တၢ်ဂီၤဟးထီၣ်ကွံၥ်လၢနမိၢ်ပှၢ်အပူၤဃုၥ်ဒီးတၢ်ကသါထီၣ်တဘျီလၢ်လၢ်န့ၣ်လီၤ. ဖဲနကသါထီၣ်အခါ, ပျဲအဟးထီၣ်ကွံၥ်ခဲလၢၥ်တက့ၢ်.
အခဲအံၤလၢနစုနၢအစိးခံတဖၣ်. ကွၢ်ဘၣ်တၢ်ကိၢ်တၢ်ဂီၤလၢအပၥ်ဖှိၣ်ဃၥ်အသးဖဲန့ၣ်ဒီးပျဲအထီၣ်ဖီထီၣ်လၢနမိၢ်ပှၢ်အဖီခိၣ်ခီဖျိနစုန့ၣ်တက့ၢ်. နစုဒ့, စုဒုၣ်, စုနၢၣ်ခံတဖၣ်, ပၢၢ်တုၤလၢနဖံဘၣ်ခိၣ်တက့ၢ်. ဒီးလီၢ်ခံကတၢၢ်လီၤလၢနမိၢ်ပှၢ်အလိၤဆူတၢ်ဒါခိၣ်န့ၣ်တက့ၢ်. ကသါထီၣ်ဒီးပျဲအဟးထီၣ်ခဲလၢၥ်တက့ၢ်.
အခဲအံၤကွၢ်ဘၢ်တၢ်ကိၢ်တၢ်ဂီၤတမံၤလၢ်လၢ်လၢ်နခိၣ်, ကိၥ်ဘိဒီးနခိၣ်တိသၣ်အလိၤတဖၣ်တက့ၢ်. ပျဲအအ၀ဲသ့ၣ်အိၣ်ဘှံးဃုၥ်ဒီးတၢ်ကသါထီၣ်တထံၣ်စုၥ်စုၥ်တက့ၢ်. ထံၣ်ကမှံတၢ်ကိၢ်တၢ်ဂီၤဟဲလီၤလၢနသးနါပှၢ်, နဟၢဖၢ, ပၢၢ်တုၤနခီၣ်ဒီးတုၤလီၤလၢတၢ်ဒါခိၣ်န့ၣ်တက့ၢ်.
လီၢ်ခံကတၢၢ်န့ၣ်, ကွၢ်ဘၣ်နမိၢ်ပှၢ်ဒီတဂၤတက့ၢ်. တဘျီလၢ်လၢ်လၢနကသါထီၣ်န့ၣ်, ဆိကမိၣ်ထီၣ်တၢ်ကတိၤဖျၢၣ်'အိၣ်ဘှံးအိၣ်သါ'တက့ၢ်. မ့တမ့ၢ်တၢ်န့ၣ်နတူၢ်ဘၣ်လၢတမ့ၢ်တၢ်အဘၣ်လၢနဂီၢ်ဘၣ်န့ၣ်, ကျဲးစၢးမၤကွၢ်တၢ်ကတိၤ'အိၣ်ဘှ့ၣ်အိၣ်ဘှီၣ်' မ့တမ့ၢ်'မၤမုၥ်မၤခုၣ်လီၤသး'တက့ၢ်. ပလၢၢ်ဘၣ်နမိၢ်ပှၢ်ပျဲအဟးထီၣ်ဃုၥ်ဒီးတၢ်ကသါတထံၣ်စုၥ်စုၥ်လၢနကသါအီၤန့ၣ်တက့ၢ်, ကွၢ်စိဃီၤသကိးဘၣ်ဃးနမိၢ်ပှၢ်ဒီတဂၤဒီးနတၢ်ကတိၤလၢအမၤမုၥ်ထီၣ်က့ၤတၢ်လၢတၢ်ကသါစှၤထံၣ်အဂီၢ်တက့ၢ်.
လၢအလီၢ်ခံကတၢၢ်တဘျီ ပကမၤကတၢၢ်တၢ်ဟူးတၢ်ဂဲၤအံၤဃုၥ်ဒီးတၢ်ကသါထီၣ်ဖးဒိၣ်, ကသါထီၣ်ဖးဒိၣ်လၢဟၢဖၢအပူၤဒီးညိၣ်ပကံၥ်နသးစှၤထံၣ်တက့ၢ် မၤ၀ံၥ်နခီၣ်နၢစိးတဖၣ်တက့ၢ်. ယူၥ်ထီထီၣ်နစုနၢ, နစုဒ့, စုဒုၣ်, ဒီးဖံဘၣ်ခိၣ်တဖၣ်ကယီကယီတက့ၢ်. ကွၢ်ဘၣ်မ့ၢ်နမိၢ်ပှၢ်အခဲအံၤမၤတၢ်ဒ်လဲၣ်, ထိၣ်သတြီၤဒီးဖဲပစးထီၣ်မၤအခါတက့ၢ်. ပျဲနကစၢ်အသးလၢကသ့စံးဘျုးတၢ်လၢနမိၢ်ပှၢ်အဃိ, ဒ်နမိၢ်ပှၢ်ပလၢၢ်ဘၣ်တၢ်စံးဘျုးလၢတၢ်ကနၣ်ဃုၥ်အီၤ, တၢ်အဲၣ်တၢ်ကွံဒီးတၢ်ကဟုကယၥ်လၢနဟ့ၣ်ထီၣ်ဘၣ်အီၤတက့ၢ်. ဖဲနအိၣ်ကတီၤပၥ်နသးလၢနကဆၢထၢၣ်ဒီးဟးထီၣ်ဟးလီၤလံတစု, နကအဲၣ်ဒိးအိထံမ့တမ့ၢ်တၢ်အီၣ်ဃ့တဖၣ်န့ၣ်လီၤ. သ့ၣ်နီၣ်ထီၣ်, နဟဲက့ၤကဒါက့ၤဆူနတၢ်ကသါဒီးမၤနမိၢ်ပှၢ်တၢ်ဟူးတၢ်ဂဲၤဖဲတဘျီလၢ်လၢ်သ့လၢဒီတနံၤအတီၢ်ပူၤအဂီၢ်, မ့တမ့ၢ်လိာ်ကွဲတၢ်မၤတၢ်ဟူးတၢ်ဂဲၤအံၤတဘျီကဒီးသ့လီၤ. မၤအီၤအဘျီဒ်နလိၣ်ဘၣ်အီၤအသိးတက့ၢ်. နမ့ၢ်အဲၣ်ဒီးမၤလိအါထီၣ်ဘၣ်ဃးတၢ်မၤနီၢ်ခိတၢ်ဟူးတၢ်ဂဲၤလၢအဘၣ်ထွဲဒီးတၢ်အိၣ်မူတၢ်လဲၤခီဖျိနီၢ်နီၢ်ဒီးတၢ်မၤနီၢ်ခိတၢ်ဟူးတၢ်ဂဲၤလၢနမၤအီၤလၢဟံၣ်သ့တဖၣ်အဂီၢ်, နကိး panda အတၢ်မၤစၢၤလီကျိၤဖဲ ၁၃၀၀ ၇၂၆ ၃၀၆ လၢကကတိၤသကိးတၢ်ဘၣ်ဃးတၢ်ကွၢ်ထွဲလီၤကစၢ်သးအတၢ်ဃုထၢလၢအညီ, တုၤလီၤထီၣ်ဘးအဂီၢ်တဖၣ်န့ၣ်သ့လီၤ.
တၢ်မၤစၢၤအလီကျိၤ
ကိးဘၣ်ပထံကီၢ်တၢ်ဒၢထီၣ်ဒီးအိၣ်ဖျဲၣ်ဖိ၀ံၤတၢ်ဆၢကတီၢ်တနံၣ်နီၢ်သးအတၢ်အိၣ်ဆူၣ်အိၣ်ချ့တၢ်မၤစၢၤ
ကိးဘၣ် 1300 726 306
မုၢ်ဆၣ် – မုၢ်ဖီဖး ဂီၤ 9 နၣ်ရံၣ်– ဟါ 7.30 နၣ်ရံၣ် AEST/AEDT
PANDA ထံကီၢ်တၢ်မၤစၢၤအလီကျိၤန့ၣ်အိၣ်၀ဲဒၣ် လၢကျိာ်တဘျုးကျိာ်,လၢအပၣ်ဃုာ်နကျိာ်န့ၣ်လီၤ.
ဖဲနကိး၀ဲဒၣ် PANDA တၢ်မၤစၢၤအလီကျိၤအခါ, ဆီၣ်လီၤတၢ်ဃုထၢ“1”လၢကဒုးသ့ၣ်ညါပှၤလၢ နလိၣ်ဘၣ်ပှၤကတိၤကျိးထံတၢ်တဂၤန့ၣ်တက့ၢ်.
နကဘၣ်တၢ်မၢနဖီၣ်ဃာ်နလီတဲစိတၢ်ကိးလၢတၢ်က အိၣ်ခိးတၢ်အဂီၢ်တုၤလီၤလၢပပှၤတၢၣ်ပီၣ်မၤစၢၤတၢ် တဂၤကချုး၀ဲဒၣ်တစုမ့တမ့ၢ်ဘၣ်တဘၣ်နကနၢ်ဟူတၢ် ကစီၣ်လၢတၢ်ထၢနုၥ်လီၤအကလုၢ်လၢအကမၢနပာ်တ့ၢ် တၢ်ကစီၣ်တခါန့ၣ်လီၤ.
ဖဲနတၢ်ကိးအံၤတၢ်စံးဆၢအီၤအခါတၢ်မနုၤကကဲ ထီၣ်ဒ်လဲၣ်-
နတၢ်ကိးအံၤပှၤတၢၣ်ပီၣ် မၤစၢၤတၢ်လၢအကတိၤအဲး ကလံးအကျိာ် တဂၤကစံးဆၢအီၤန့ၣ်လီၤ. ပကလိၣ်သ့ၣ်ညါကျိာ်လၢနဘၣ်သး-နတလိၣ် ကတိၤအဲးကလံးအကျိာ်ဘၣ်သနာ်က့နကလိၣ်တဲ ဘၣ်ပှၤတၢၣ်ပီၣ်မၤစၢၤတၢ်ဒီးကျိာ်လၢနဘၣ်သးအီၤ န့ၣ်လီၤ.
PANDA ကရဲၣ်ကျဲၤန့ၢ်ပှၤကတိၤကျိးထံတၢ်တ ဂၤဒီးဖဲပှၤကတိၤကျိးထံတၢ်တဂၤမ့ၢ်အိၣ်၀ဲအခါ, ပကစး ထီၣ်တၢ်ရဲၣ်တၢ်ကျဲၤလၢတၢ်ဆီၣ်ထွဲနၤအဂီၢ်လီၤ.
ဖဲပှၤကတိၤကျိးထံတၢ်တဂၤမ့ၢ်တအိၣ်ဘၣ်အခါ, ပကကိးကဒါက့ၤနၤလီၤ.
မ့ၢ်နကဘၣ်ပာ်တ့ၢ်တၢ်ကစီၣ်တခါဒ်လဲၣ်
ပာ်တ့ၢ်နတၢ်ကစီၣ်တခါမ့ၢ်ဒ်သိးတကဟံးန့ၢ်ပာ်န လီၢ်လၢတၢ်အိၣ်ခိးတၢ်အပူၤအဂီၢ်တက့ၢ်. နတလိၣ်ကိး ကဒါက့ၤဘၣ်, ပပှၤတၢၣ်ပီၣ်မၤစၢၤတၢ်တဂၤ ကကိးကဒါနၤလီၤ.
၀ံသးစူၤပာ်တ့ၢ် နမံၤ,လီတဲစိနီၣ်ဂံၢ်, ကီၢ်စဲၣ်ဒီးကျိာ်တက့ၢ်. ပကကိးကဒါနၤဒီးပှၤကတိၤကျိးထံတၢ်တဂၤလီၤ.
ဖဲနမ့ၢ်လိၣ်ဘၣ်ဂ့ၢ်ဂီၢ်အူတၢ်မၤစၢၤအဂီၢ် ကိးဘၣ်၀းသၢဖျၢၣ် (000) မ့တမ့ၢ်လီၢ်က၀ီၤတၢ်ဆါဟံၣ်
ဂ့ၢ်ဂီၢ်အူအ၀ဲၤကျိၤတက့ၢ်.ဖဲနမ့ၢ်လိၣ်ဘၣ်တၢ်ဆီၣ်ထွဲလၢအအိၣ်လၢ PANDA တၢ်မၤစၢၤအလီကျိၤ
ဖဲတၢ်မၤပျၢ်အနၣ်ရံၣ်အလီၢ်ခံကတီၢ်န့ၣ်ကိးဘၣ် Lifeline လၢ 13 11 14 တက့ၢ်.
