Filipino: Ehersisyo sa pagpokus sa kasalukuyan – body scan at relaxation para maalis ang tensyon

Ipapakita ko sa iyo ang isang maikling ehersisyo ng katawan na pang-alis ng stress, na inangkop mula sa simpleng body scan at relaxation ni Paul Gilbert. Ilang minuto lang ito para suriin lang ang iyong sarili. Anuman ang naghatid sa iyo rito, kung may anumang gumugulo sa iyong isipan, isantabi mo ito. Nang ilang sandali lamang. Pinapayagan kang maglaan ng oras na ito para maipokus mo sa kasalukuyan ang iyong sarili at ma-relax ang iyong katawan. Magagawa mo ang ehersisyong ito nang nakaupo o nakahiga.

Magsimula na tayo. Simulang punahin ang iyong paghinga habang humihinga ka nang palanghap sa iyong ilong at humihinga nang palabas sa iyong bibig. Dahan-dahang tumuon sa natural na nakakaginhawang ritmo ng iyong paghinga.

Ngayon, ituon ang iyong pansin pababa sa iyong mga binti. Ano ang pakiramdam ng mga ito? Isipin na ang lahat ng tensyon sa iyong mga binti ay dahan-dahang umaagos palabas ng iyong katawan papunta sa sahig at natatangay palayo. Habang humihinga ka nang palanghap, subukang patigasin nang bahagya ang iyong mga kalamnan sa binti. Huminga tayo nang palanghap, at habang humihinga ka nang palabas, i-relax ang iyong mga kalamnan sa binti at pakawalan ang tensyon. Habang humihinga ka nang palanghap, punahin ang tensyon. Habang humihinga ka nang palabas, pakawalan ang tensyon at damhin ang pag-relax ng iyong mga binti.

Doon naman tayo pataas sa katawan, hanggang sa iyong mga balikat. Itinataas mo ba nang mahigpit ang mga ito? Subukang hilahin pataas ang iyong mga balikat, itaas ang mga ito sa paghinga mo nang palanghap. Habang humihinga ka nang palabas, pakiramdaman mo ang pag-relax ng iyong mga kalamnan sa balikat habang ang stress sa iyong katawan ay nawawala sa bawat paghinga. Habang humihinga ka nang palabas, i-relax mo ang lahat.

Ngayon, sa dulo naman ng iyong mga daliri. Tumutok sa tensyon na naroon at hayaang lumutang ito palabas ng iyong katawan sa pamamagitan ng iyong mga kamay. Ang iyong mga pulso, braso, siko, hanggang sa iyong mga balikat. At sa wakas pababa sa iyong buong katawan hanggang sa sahig. Huminga nang palabas at i-relax ang lahat.

Ngayon, tumuon naman sa anumang tensyon sa iyong ulo, leeg at noo. Hayaang ma-relax ang mga ito sa bawat paghinga. Isiping dumadaloy ang tensyon sa iyong dibdib, tiyan, likod, hanggang sa iyong mga binti at hanggang sa sahig.

Panghuli, tumutok sa iyong buong katawan. Tuwing hihinga ka, isipin ang salitang 'relax'. O kung hindi iyon tama para sa iyo, subukan ang salitang 'kalma' o 'nakakaginhawa'. Pakiramdaman ang pag-relax ng iyong katawan sa bawat paghinga. Tumuon tayo sa iyong buong katawan at sa iyong pampakalmang salita sa ilang paghinga.

Huling bahagi. Tapusin natin ang ehersisyong ito sa pamamagitan ng ilang malalaki at malalalim na paghinga sa tiyan at pag-unat. Igalaw ang iyong mga daliri sa paa. Dahan-dahang iunat ang iyong mga daliri, pulso, braso, at balikat. Punahin ang nadarama ng iyong katawan ngayon, kumpara noong tayo ay nagsimula. Pahintulutan ang iyong sarili na magpasalamat sa iyong katawan, tulad ng pasasalamat ng iyong katawan sa atensyon, kabaitan at pangangalaga na kabibigay mo lang dito. Kapag handa ka nang tumayo at gumalaw, maaaring gusto mong uminom ng tubig o mag-meryenda. Tandaan, makakabalik ka sa iyong paghinga at pag-scan ng iyong katawan sa anumang oras sa buong araw, o ulitin ang ehersisyong ito. Gawin ito gaano man kadalas na kailangan mo. Kung gusto mong matutunan ang higit pa tungkol sa mga ehersisyong pagpokus sa kasalukuyan at pang-relax na maaari mong gawin sa bahay, maaari kang tumawag sa panda helpline sa 1300 726 306 para makipag-chat tungkol sa simple, epektibong mga opsyon sa pangangalaga sa sarili.

Ilalagay ka sa hold hanggang sa maging available ang isa sa aming mga Tagapayo O maaari kang makarinig ng isang naka-record na mensahe na humihiling sa iyong mag-iwan ng mensahe.

Paano mag-iwan ng mensahe:

Mag-iwan ng mensahe dahil ito ang pagbabasehan kung pang-ilan ka sa pila. Hindi mo kailangang tumawag nang paulit-ulit, tatawagan ka ng isa sa aming mga tagapayo.